രണ്ട്
സൂപ്പര്‍ താരങ്ങള്ക്കൊപ്പം അഭിനയിക്കാന്‍ അവസരം കിട്ടിയതില്‍ അഭിമാനിക്കുകയാണ്‌
നിവേദ. വിജയിന്റെ ജില്ല എന്ന ചിത്രത്തില്‍ മോഹന്‍ലാലിന്റെ മകളായാണ്‌ നിവേദ
അഭിനയിക്കുന്നത്. ചിത്രത്തില്‍ നായകന്‍ വിജയിന്റെ സഹോദരി കൂടിയാണ്‌ നിവേദ.
ജില്ലയില്‍ വിജയലക്ഷ്മി എന്നാണ്‌ നിവേദയുടെ കഥാപാത്രത്തിന്റെ പേര്.നേരത്തെ മോഹന്‍ലാലിന്റെ പ്രണയം എന്ന ചിത്രത്തില്‍ അഭിനയിച്ചിരുന്നു എങ്കിലും ഇത്രയും നല്ല വേഷം കിട്ടിയിരുന്നില്ല. പ്ലസ് ടു ഫലം വന്നത് ജില്ലയുടെ ഷൂട്ടിംഗ് സമയത്താണ്‌. ഈ സമയത്ത് ലാലേട്ടന്‍ ഒരു അച്ഛനെ പോലെയാണ്‌ സംസാരിച്ചതും അഭിനന്ദിച്ചതും. കരിയറില്‍ മുന്നേറാന്‍ വേണ്ട ഉപദേശങ്ങള്‍ നല്കിയെന്നും നിവേദ പറഞ്ഞു.
ബ്ലെസിയുടെ പ്രണയത്തില്‍ നിവേദ തോമസ് മികച്ച പ്രകടനം കാഴ്ചവെച്ചിരുന്നു. നേരത്തെ പ്രണയത്തില്‍ ഒന്നിച്ചഭിനയിച്ചിരുന്നുവെങ്കിലും അതില്‍ തനിക്ക്‌ മോഹന്‍ലാലിനൊപ്പം കോമ്പിനേഷന്‍ സീനുകളൊന്നും ഇല്ലായിരുന്നു. എന്നാല്‍ ലാലേട്ടനൊപ്പം അഭിനയിക്കാനുള്ള അവസരം കൈവന്നതില്‍ തനിക്ക്‌ ഏറെ സന്തോഷമുണ്ടെന്നും നിവേദ പറഞ്ഞു.
ജില്ലയിലെ നിവേദയുടെ കഥാപാത്രം ഒരു മകള്‍-പെങ്ങള്‍ കഥാപാത്രമല്ല, ശക്തമായ റോള്‍ ഈ ചിത്രത്തിലുണ്ടെന്നും നിവേദ വെളിപ്പെടുത്തി.
No comments :
Post a Comment