റിലീസ് ചെയ്യാതെ പോയ മോഹന്ലാല് ചിത്രം ചക്രം മലയാള സിനിമയിലെ തന്റെ കരിയറിനെ പ്രതികൂലമായി ബാധിച്ചിരുന്നുവെന്ന് ബോളിവുഡ് നടി വിദ്യാബാലന്. മലയാളത്തില് തുടര്ന്നും അഭിനയിക്കണമെന്നും നല്ല വേഷങ്ങള് ചെയ്യണമെന്നും ആഗ്രഹമുണ്ടായിരുന്നു.
ചക്രം മുടങ്ങിയത് തന്റെ തെറ്റായി പലരും ചിത്രീകരിച്ചു. തനിക്ക് മലായളത്തില് നിര്ഭാഗ്യവതി എന്ന പേര് വരെ വീണിരുന്നു. ഇതോടെ നേരത്തെ ഡേറ്റ് വാങ്ങിയിരുന്നവര് പോലും തന്നെ ഒഴിവാക്കി. എല്ലാവര്ക്കും മുന്നില് ഞാന് തെറ്റുകാരിയായെന്നും വിദ്യാബാലന് പറഞ്ഞു.
അതിന് ശേഷം ഒരു തമിഴ് സിനിമയില് അഭിനയിക്കാന് ഒപ്പിട്ടെങ്കിലും ഉപേക്ഷിക്കേണ്ടി വന്നു. വീണ്ടും മറ്റൊരു ചിത്രത്തില് അഭിനയിക്കാന് അവസരം ലഭിച്ചെങ്കിലും അവസാനം നിമിഷം ആ സിനിമയില് നിന്നും താന് പുറത്തായി. അഭിഅയിക്കാന് അറിയാത്ത, ഭാഗ്യമില്ലാത്ത ഇവളെ എങ്ങനെ നായികയാക്കുമെന്നായിരുന്നു മിക്കവരുടെയും പ്രതികരണം . തനിക്ക് നായികയാകാനുള്ള സൌന്ദര്യം ഇല്ലെന്ന് വരെ പറഞ്ഞുപരത്തി. ഇതോടെ കണ്ണാടിയില് മുഖം നോക്കുന്നതും പോലും നിര്ത്തിയിരുന്നുവെന്നും വിദ്യാബാലന് പറഞ്ഞു.
No comments :
Post a Comment